ང་བོད་པ་ཡིན་པས་བསོད་ནམས་ཆེ།
ང་ཡི་སྐྱེ་ཡུལ་གང་ལྗོངས་ཕྱུག་མོ་ཡིན།
སྤྱན་རས་གཟིགས་ཀྱི་ཞིང་ཁམས་ཡིན།
མ་ཎི་ཡིག་དྲུག་དབྱངས་རྟ་ཐོས་ས་ཡིན།
ང་བོད་པ་ཡིན་པས་བསོད་ནམས་ཆེ།
ང་ཡི་བཙན་པོ་སྲོང་བཙན་སྒམ་པོ་ཡིན།
བཅུ་དྲུག་ལོ་ནས་ཆོས་སྲིད་གཉིས་བསྐྱངས།
སྲིད་ཀྱི་འཁོར་ལོ་མཐའ་བཞིའི་དབུས་སུ་བསྐོར།
ང་བོད་པ་ཡིན་པས་བསོད་ནམས་ཆེ།
ང་ཡི་བླ་མ་བསྟན་འཛིན་རྒྱ་མཚོ་ཡིན།
ཕྱག་ན་པད་མོ་འཛིན་པའི་རྣམ་སྤྲུལ་ཡིན།
འདི་ཕྱི་གཉིས་ཀྱི་སྐྱབས་གནས་དམ་པ་ཡིན།
ང་བོད་པ་ཡིན་པས་བསོད་ནམས་ཆེ།