Ama La
སེང་གེ་གངས་ལ་འཁོར་བ།
གངས་ཀྱི་བཀའ་དྲིན་ཡིན་ནོ།
གངས་ཆུ་ཐུར་ལ་བབ་དུས།
སེང་གེ་སྐྱོ་ནས་ལུས་སོང་།
བུ་ང་བདེ་པོ་ཡིན་པ།
ཨ་མ་ཁྱེད་ཀྱི་དྲིན་ཡིན།
ཨ་མ་མ་བརྗེད་སེམས་ནང་ཡོད།
ང་མ་ཤི་ཚེ་རིང་བྱུང་ན།
བུ་ངས་དྲིན་ལན་ཞུས་ཆོག
བུ་ངའི་བརྩེ་བའི་ཨ་མ་ལགས།
ཤ་བ་སྤང་ལ་འཁོར་བ།
སྤང་གི་བཀའ་དྲིན་ཡིན་ནོ།
སྤང་གཤོངས་སྐམ་ནས་ལུས་དུས།
ཤ་བ་ལ་མོ་བརྒྱབས་སོང་།
བུ་ང་སྐྱིད་པོ་ཡོད་པ།
ཨ་མ་ཁྱེད་ཀྱི་བཀའ་དྲིན་ཡིན།
ཉ་ཆུང་རྐྱལ་རྩལ་མཁས་པ།
ཆུ་ཡི་བཀའ་དྲིན་ཡིན་ནོ།
ཆུ་མོ་ས་ལ་འཐིམ་དུས།
ཉ་ཆུང་སྐྱོ་ནས་ལུས་སོང་།
བུ་ང་སེམས་འཚབ་མེད་པ།
ཨ་མ་ཁྱེད་ཀྱི་བཀའ་དྲིན་ཡིན།