Kyowai Mikchu
ཁ་བ་གངས་ཅན་ཡུལ་གྱི།
གངས་ཕྲུག་འཁྲུལ་མེད་ཡིན་ཡང་།
གངས་ལྗོངས་མིག་གིས་མ་མཐོང་།
སྐྱོ་བའི་མིག་ཆུ་ཤོར་བྱུང་།
གཟི་བརྗིད་ལོ་རྒྱུས་སྙན་ཅིང་།
ཞི་བདེ་དར་བའི་ཕ་ཡུལ།
གཞན་གྱིས་བཙན་འཕྲོག་བྱས་པས།
སྐྱོ་བའི་མིག་ཆུ་ཤོར་བྱུང་།
ལོ་ངོ་བཞི་བཅུ་ལྷག་ཙམ།
རང་དབང་ཉི་མ་བསྒུགས་ཡོད།
མི་ཡུལ་བསྡད་པ་རིང་དུས།
སྐྱོ་བའི་མིག་ཆུ་ཤོར་བྱུང་།
ང་ཚོའི་གཞིས་ལུས་སྤུན་ཟླ།
དགྲ་བོའི་བཙན་དབང་འོག་ཏུ།
སྡུག་བསྔལ་མནར་གཅོད་མྱོང་དུས།
སྐྱོ་བའི་མིག་ཆུ་ཤོར་བྱུང་།
བྱེས་བཞུགས་སྤུན་ཟླ་འགའ་ཡིས།
སྤྱི་དོན་མཉམ་འདེགས་མི་བྱས།
ང་དང་ཁྱེད་ཅེས་རྩོད་དུས།
སྐྱོ་བའི་མིག་ཆུ་ཤོར་བྱུང་།