Laa Boed
རི་མཐོན་པོ་གནམ་གྱི་ཀ་བ།
ནག་ཉེས་མེད་ཨ་འཇམ་ཚ་རུ།
གན་ཁ་དབང་བཙན་པོའི་མི་ཡིས།
ལུས་གྱོན་པ་བཙན་གྱིས་བཤུས་པས།
རྫུན་ལང་ཚོའི་མཆོར་སྒེག་མཛེས་ཡང་།
ཡིད་སྐྱ་མོ་གཅེར་བུར་ལུས་ཡོད།
སྤང་སྔོན་མོ་གཡུ་ཡི་མེ་ལོང་།
ལུག་གཡང་དཀར་འབའ་སྒྲ་འཚེར་འཚེར།
གན་གདུག་རྩུབ་ཆེ་བའི་མི་ཡིས།
ནང་གློ་མཆིན་གཏིང་ནས་བཏོན་པས།
དབྱར་དྲུག་པའི་འབྲོག་གླུ་སྙན་རུང་།
རྩྭ་རྩི་ཏོག་བྱེ་མས་བཅོམས་ཡོད།
མཚེའུ་ཆེ་ཆུང་ནམ་མཁའི་སྐར་ཚོགས།
ཕ་བཟང་བོའི་བླ་མཚོ་ཕྱུག་མོ།
གན་སྙིང་རྗེ་མེད་པའི་མི་ཡིས།
དབང་བཙན་པོས་བྱིན་རླབས་འཕྲོག་པས།
ཚོན་སྣ་ལྔའི་དར་ལྕོག་གཡོ་ཡང་།
མིག་ཁྲ་ཆུང་ཁྲག་གིས་བསྐོར་ཡོད།
ཚོན་སྣ་ལྔའི་དར་ལྕོག་གཡོ་ཡང་།
མིག་ཁྲ་ཆུང་ཁྲག་གིས་བསྐོར་ཡོད།