Nyighi Sivue Do

ང་ཡི་སྙིང་གི་ཟེའུ་འབྲུ།
བུ་མོ་ཡིད་འཕྲོག་ལྷ་མོ།
ཡིད་འོང་ཁྱོད་ཀྱི་ཞལ་རས།
པདྨ་དཀར་པོའི་མེ་ཏོག
སྐུ་གཟུགས་ལྡེམ་ལྡེམ་ཁྱུག་པ།
ལྕུག་ཕྲན་གཞོན་ནུའི་ལང་འཚོ།
སྤྱན་ཟུར་དྲི་བསུང་འཐུལ་པས།
གཡུ་མང་སེམས་པ་ལོས་ཤོར།
བུང་བའི་ཁ་དོག་བཞིན་དུ།
ནག་སྣུམ་དབུ་སྐྲའི་ལེན་བུ།
ཁྱེད་ཀྱི་སྐུ་སྟོད་ཁེབས་པས།
ཞལ་རས་དེ་བས་མཛེས་པ།
རོལ་རྩེད་གར་གྱི་ཉམས་ལྡན།
སྐུ་སྐྱེད་ཕྲ་ལ་སྒེག་པ།
བདེ་བའི་ནུ་འབུར་རྒྱས་པ།
བུ་ངའི་ཡིད་དབང་འཕྲོགས་སོང་།
མཐོ་བ་ཉི་མའི་དཀྱིལ་འཁོར།
ས་ཡི་པདྨའི་གཉེན་བཤེས།
ང་གཉིས་ལས་འགྲོ་ཡོད་ན།
མཛའ་མཐུན་མཉམ་གཤིབ་ལོས་ཡོང་།
འཇམ་གཉེན་ཁྱེད་ཀྱི་ཕྱག་གཉིས།
བུ་ཆུང་ང་ལ་གནང་དང་།
ཐབས་ཤེས་ཟུང་དུ་འཇུག་པའི།
དགའ་བདེའི་དཔལ་ལ་རོལ་ཆོག